Hello Friends.
Swagat Hai Aapka Ek Baar Fir Hamare Knowledge Talks Official Blog Me.
What Is Placebo Effect.?
Human brain yani insani dimag ek aisi chiz hai jisse powerful chiz na to kabhi bani hai aur na hi aage kabhi ban payegi.
Duniya ke sabhi supercomputer ko banane wala ye chota sa dimag har insan ke paas hota hai lekin hum me se adhik logo ko yeh maloom hi nahi hai ki hamara dimag reality me itna powerful hai yani dusre word me kahe to hum me se jyada tar log dimag ki sachi aur asli power ko nahi pehchan pate.
Jab kabhi aap ki health kharab hui hogi to aap bhi baki logo ki tarah doctor ke paas gaye honge aur doctor ne apni fee ke badale me aap ko kuch medicine di hogi woh medicine lekar aap ghar aa gaye honge aur unka istemal karke kuch hi dino me thik bhi ho gaye honge kai logo ko to medicine khane ke kuch minutes baad hi thoda aaram mehsoos hone laga hoga.
Lekin kya ho agar aap ko ek din pata chale ki jo medicine aap ne khai hai wo to sirf sugar candy ho ya fir soda ka ek mishran tha.
Ji haan dosto aisa possible hai. To aise me woh konsi chiz thi jisne aap ko thik kar diya. woh chiz thi aap ki umeed yani expectation jisse aap hi ke dimag ne janam diya aur aap ke dimag ne hi aap ki marz ki dawa ko janam dekar aap ko thik kar diya.
Is amazing phenomena ko hi kaha jata hai The Placebo Effect.
Aap logo ne man ki shakti ke bare me to suna hi hoga jaha koi insan apne future me khab dekhne lagta hai aur hamara subconscious mind hame woh future me dikh rahe khab ko present me lane ki koshish karne lagta hai thik aise hi kuch had tak hamare sharirik rog ke sath bhi ho sakta hai.
yani kewal iccha shakti aur hamare subconscious mind ki taqat se kuch had tak rogo ko thik kiya ja sakta hai dusre word me kahe hamari Psychologist condition ka directly hamare dimag par asar padta hai isi asar ko Placebo Effect kaha jata hai aur yahi Placebo Effect medical science ke liye badi mystery bana hua hai.
Isse Bhi Padhe:-"मेंडेला प्रभाव क्या है" || What Is Mandela Effect ?
To Aaiye Jante Hai Kis Tarah Ye Mystery Placebo Effect Kaam Karta Hai:-
1:-
World war 2 ke doraan bahut se american seniko ko medicine aur ilaaz ki zaroorat thi badi demand ke kaaran americi sena ke paas medicine ki kami hone lagi anesthesia ki kami padhne lagi tab doctors ne jakhmi seniko ko pani se bhare injection lagana shuru kar diye.
Aur behad chamat kari tarah se seniko ko dard se rahat milne lagi unko yeh nahi bataya gaya tha ki injection me medicine ki jagah pani bhara hai lekin fir seniko ko dard se rahat kaise milne lagi ye dekh kar doctors bhi heran reh gaye lekin aisa kaise hua is baat ka jawab kisi ke paas nahi tha.
2:-
Placebo Effect insaan ke vishwas par nirbhar hamare subconscious mind ki ek chupi hui shakti hai aisa kai logo ko believe hota hai ki agar subah uth kar unhe garma garam chai na mile to pure din unke sar me dard hota rahega jab weh chai pee lenge to unka sar ka dard thik ho jayega yeh bhi Placebo Effect ka example hai. Jaha ek cup chai pee ke sar ke dard ke usse aaram dila deti hai jab ki medical science ki nazar me chai me aisa koi bhi tatv nahi hota jo sar ke dard ko thik karde.
Lekin fir bhi hamare mann ke Believe system se hi ye Placebo Effect peda hota hai.
Darasal hamara believe system yani hamara dimag yani hamara subconscious mind kisi chiz ke baare me jaise soch bana leta hai usse waise hi result milne lagta hai.
Isse Bhi padhe:- सुहावने सपने ( स्पष्ट अर्थ का सपना ) || Lucid Dreams ?
Placebo Effect Example:-
Ek study ke doraan khiladiyon ke ek group ko 2 tarah ki energy drink di gai jisme se ek ka price 5$ tha aur dusre ka price 1$ tha.
In dono hi drinks ko bari bari se pee kar un khiladiyon ek physical exercise ko jaldi se jaldi karne ko kaha gaya aur in test me doctors ne ye paya ki 5$ ki kimat wali energy drink ko pee kar khiladiyon ne jyada tezi se us exercise ko pura kya. Jab ki 1$ wali energy drink ko lagbhag sabhi khiladiyon ne bekar bataya.
Lekin usse bhi kamaal ki baat yeh thi ki woh 5$ aur 1$ wali energy drinks ek hi thi aur woh drinks kewal pani aur sugar ka ek simple sa mishran tha jisme energy drink wali koi bhi medicine nahi thi lekin fir bhi hamare dimag ne yeh maan liya ki 5$ wali drink achi hi hogi kyun ki unki kimat jyada thi aur jyada kimat ko hamesha hi achi quality ka maan liya jata hai.
Isi tarah Placebo Effect istemal karke marketing companies bhi aap ko dimag ko trick karne ki koshish karti hai jaha aap ko ye vishwas dilaya jata hai ki unka product baaki ke product se behtar hai.
Expert ki maane to aap ka vishwas yani believe system aur aap ki umeed expectation hi is Placebo Effect kaaran hai yani aap kisi chiz ko lekar jitna positive sochenge aap ka subconscious mind utna hi aapko positive result dene lagega.
Agar aap ka vishwas hai to ek cup chai se aap ka sar dard thik ho jayega aur aap ka vishwas majbut nahi hai to duniya ki mehngi se mehngi dawa bhi aap ko thik nahi kar sakegi.
Agar aap ka vishwas pakka hai kisi mandir ke prasad ya kisi tantrik ke paas jaa kar bhi aap thik ho jayenge jab ki tantrik ke paas na to medical science ki jankari hoti hai aur na hi dostor se jyada knowledge lekin fir bhi aap us tantrik par vishwas aap ke subconscious mind ko message deta hai aur aap ka chamatkari subconscious mind bade se bada ajuba kar dikhata hai aur aap uska credit tantrik ko de dete ho ki baba chamatkar ho gaya baba aap mahan ho wagera wagera.
Agar aap bhi chizo ko positive sochoge to aap ka subconscious mind bhi yani Placebo Effect se negative chizo se door reh sakenge.
Isse Bhi Padhe:- "ऐसे शब्द जो आपको सफल बनाने से रोकते है" || Words that prevent you from succeeding !!
I believe ki aap logo ko samajh aa gaya hoga ki Placebo Effect kya hota hai aur kaise kaam karta hai.
Isi ke sath alwida leta hu fir milenge hum next topic par.
Shabba khair.
0 Comments