Hello Friends
Swagat Hai Aapka Ek Baar Fir Hamare Knowledge Talks Official Blog Me.
Dosto hamare face skin saaf sutri aur bedaag bani rahe isliye rozana apne chehre ko achi tarah se dhona har kisi ki zindagi me daily routine ka ek hissa hota hai. Lekin aksar yeh dekha gaya hai ki log apna chehra dhone ke liye tarah tarah ke sabun aur bazar me mojud face wash ka istemal karte hai aur aksar confused ho jate hai ki kon sa face wash hamari skin ke liye acha hoga.
Bazar me mojud sabhi tarah ke face wash me chemical ka istemal hota hai fir chahe woh kisi bhi tarah ke dawe kare hamari skin ke liye hanikarak ki hote hai.
Isliye kai baar agar skin sensitive hoti hai to tarah tarah ke face wash aur sabun ke istemal karne se hamare chehre par allergy reaction aur pimple jaisi samasya ho jati hai. Aur jin logo ko yeh face wash suit bhi ho jate hai to lambe samaye tak iska use karna mehanga padta hai khas to par un logo ke liye jinki skin sensitive hai unko face wash istemal karne me bahut problem hoti hai.
Isliye Dosto Aaj Hum Janenge Ghar Par Hi Puri Tarah Natural Aur Chemical Free Face Homemade Face Wash Kaise Banaya Jaye jo aap ki skin ko gora chammak dar aur sehat mand banakar rakhega aur sath hi jin logo ko pimple ya daag dhabbe hote rehte hai unko bhi pimple ki keel muhaso se chutkara dilayega.
Isse Bhi Padhe:-घर पर कैसे बनाएं एलो वेरा जेल | How To Make Aloe Vera Gel At Home | Hindi
Dosto Aaj Hum 2 Tarah ke Homemade Face Wash Banane Ke Baare Me Janenge.
1 Homemade Face Wash:-
Isse Banane Ke Liye Hume Zaroorat Hogi.
1 Aloe Vera Gel
2 Neem Ke Patte ( Leaves Of The Neem Tree )
3 Green Tea
4 Vitamin-E Capsule
4 Pudina Ark ( Peppermint Extracts )
Is Homemade Face Wash ko aap bina green tea ya bina pudine ark ke bina bhi bana sakte hai iske liye hume sabse pehle zaroorat hogi neem ke pani ki.
Step 1:-
Neem ke pani ko banane ke liye ek bartan me pani ko achi tarah ubal le fir achi tarah dhule hue neem ke patto ko us ubale hue pani me daale. Fir ise kam se kam 5 minutes tak aur ubale fir iske baad pani ka color hara ho jayega fir isse thanda kar ke chaan le.
Step 2:-
Fir iske baad ek cup neem ke pani me 2 se 3 chamach aloe vera gel ko mix kare fir isme ek vitamin-e capsule ko tod kar iske andar oil milaye aur fir iske baad 3 se 4 boond pudine ka ark daale fir iske baad hume green tea milana hai.
Step 3:-
Uske liye pehle adhe cup gungune pani me ek chota chamach green tea ko daal kar thanda hone ke liye chord de agar aap ke pass tea bag wali green tea hai to aap uske andar ki green tea ko nikal kar iska istemal kar sakte hai.
Step 4:-
Fir uske baad green tea ko pani ke sath isme milaye fir yeh face wash tayar ho jayega agar aap chahe to isme 1 se 2 chamach kisi bhi company ka baby wash mila sakte hai baby wash baccho ko nehlane ka liquid sabun hota hai isme baby wash ka istemal hum is liye kar rahe hai kyun ki ye baccho ki skin ke liye bana hota hai aur isme hanikarak chemical nahi hote hai isliye aap jyada kam jhaank ke liye iska istemal kar sakte hai.
Iske baad is bane hue Homemade Face Wash ko kisi saaf kaanch ki bottel me rakh le aur rozana isse face dhone ke liye istemal kare. Iski madad se jin logo chehre par aksar pimple nikalte rehte hai unhe pimple hona band jayenge aur sath hi chehra bhi saaf ho jayega.
Sensitive skin aur keel muhaso wali skin ke liye bahut fayde mand hai iska istemal ek din me 2 se 3 baar kiya jaa sakta hai aur is Homemade Face Wash ko banane ke liye jo samaan aap bahar se kharid kar layenge woh aap ko jyada mehanga bhi nahi padega aur sath usse aap bahut adhik matra me kafi baar Homemade Face Wash bana payenge.
Iske alawa chehre ko gora aur chamakdar banane ke liye ek aur Homemade Face Wash hai jisse aap ghar bhi bana sakte hai.
2 Homemade Face Wash:-
Isse Banane Ke Liye Hume Zaroorat Hogi.
1 Shehd ( Honey )
2 Gulab Jal
3 Jaitun Ka Tel ( Olive Oil )
4 Baking Soda Powder
5 Aloe Vera Gel
Is Homemade Face Wash me bhi aloe vera gel ka istemal kar rahe hai kyun ki yeh hamari face skin ke liye bahut hi acha hota hai aur jyada tar logo ki face skin par aasani se suit ho jata hai.
Step 1:-
Ek cup pani ko achi tarah ubalna hai ise hume tab tak ubalna hai jab tak ki pani adha na ho jaye aisa karne se pani puri tarah saaf ho jata hai uske baad is paani ko thanda hone ke liye chord de.
Step 2:-
Fir uske baad pani thanda hone ke baad khane wala soda milaye iske baad lagbhag 30ml yani ki 5 se 6 chamach gulab jal ko mila kar isme 2 se 3 chamach shehad ko mix karna hai fir iske baad jaitun ka tel milaye aur uske baad 3 se 4 chamach aloe vera gel ko daal ke isse achi tarah se mix kar le.
Iske baad ye Homemade Face Wash tayar ho jayega isme bhi jhaank ke liye kisi bhi company ka baby wash ka istemal kar sakte hai.
Dosto is Homemade Face Wash se subah sham apne chehre ko dhone se ye madad karta hai hamare chehre me jami sari gandagi ko saaf karne me aur sath ye hamare chehre ke rang ko nikhar kar usme chamak pradan karta hai.
Kuch log bahar se ghar me aane ke baad chehra thik se dhote bhi nahi hai jisse gandagi chehre par hi jama reh jati hai au hamare chehre par keel muhase ki problem hona shuru ho jati hai isliye rozana sone se pehle chehre ko achi tarah se dhokar hi sona chahiye isse lambe time tak hamari face skin healthy bani rehti hai.
Aur sath hi chehre dhone ke liye bahar ke face wash ke jagah ghar me bane hue face wash ka istemal kiya jaye to isse hame bahut hi tezi hai result dikha shuru ho jate hai.
Dosto is article tarah ghar me banai jane wali chizo ke baare me article likhta rahunga iske alawa danto ko tezi se safed karne aur majbut banaye rakhne ke liye hamare blog me pehle se article mojud hai jisme aap janenge ki ghar par hi bahut aasani se puri tarah danto ko safed kaise banaye jaye iska link me aapko niche de dunga.
Isse Bhi padhe:-पिले दांतो को सफ़ेद कैसे करे ? | What Is Plaque And Tartar & How To Whiten Teeth ? | Hindi
0 Comments